جیئے سندھ تحریک کے کارکنوں کا احتجاج

جیئے سندھ تحریک کے کارکنوں کا احتجاج

محراب پورمیں جیئے سندھ تحریک کی جانب سے کراچی میں ایک سال قبل نامعلوم افراد کی فائیرنگ سے جاں بحق ہونے والے جیئے سندھ تحریک کے دو کارکنوں ایاز پنہوراور سرفراز سومروکے قاتلوں کی عدم گرفتاری اور سندھ میں بلدیاتی نظام کے خلاف مرکزی جنرل سیکریٹری جاوید چاچڑ، ضمیر میمن، آفتاب چاچڑ، حزب اللہ ابڑو اور دیگر کی قیادت میں کارکنوں نے جیئے سندھ چوک سے احتجاجی ریلی نکالی، ریلی کے شرکاء نے قومی کارکنو ں کے قاتلوں کی عدم گرفتاری اور سندھ میں بلدیاتی آرڈیننس کے خلاف شدید نعرے بازی کی اورریلی شہر کے مختلف حصوں سے ہوتی ہوئی پریس کلب محراب پور کے سامنے پہنچی جہاں مظاہرین نے دہرنا دیا، اس موقع پر خطاب کرتے ہوئے مرکزی جنرل سیکریٹر ی جاوید چاچڑ ، آفتاب چاچڑاور دیگر نے کہا کہ کراچی میں پولیس نے چپل سینٹر پر چھاپہ کے دوران سیلاب زدگان کے کیمپ پر اندھا دھند فائیرنگ کرکے سرفراز سومرو کو قتل کردیا تھا، سپریم کورٹ کے حکم کے باوجود پولیس ابھی تک قاتلوں کو گرفتار نہیں کرسکی ، انہوں نے کہا کہ واقع میں ملوث ایس پی عبداللہ شیخ، بلڈر رؤف چپل کو گرفتار کرکے ان کے خلاف قومی کارکنوں کے قتل کا کیس درج کیا جائے اور کہا کہ سندھ میں دوہرے بلدیاتی نظام ختم کرکے سندھ سے ہونے والی ذیادتیاں بند کی جائیں دیگر صورت میں احتجاج کا دائیرہ وسیع کیا جائے گا۔