انتخابی تاریخ میں توسیع کے باوجود حلقہ پی ایس21میں انتخابی سرگرمیوں میں تیزی برقرار

حکمرانوں نے پاکستان کھپے کے نعرے کی اوڑ میں پورے سندھ کو بیچ دیا ہے۔ایم این اے ظفر علیشاہ
 سنیٹر شیخ اسلام دین کا محراب پور کے لیے پاکستان ایکسپریس ٹرین کا اسٹاپ دینے کا وعدہ
انتخابات کی تاریخ میں توسیع کے خلاف ہم سپریم کورٹ میں جائیں گے ، این پی پی

محراب پور (رپورٹ: مبشر گھمن )الیکشن کمیشن کی جانب سے حلقہ پی ایس 21 میں ہونے والے انتخابات میں 4دسمبر تک توسیع کے باوجود انتخابی سرگرمیاں تیزی سے جاری ہیں، نامزد امیدواروں نے انتخابات میں کامیابی حاصل کرنے کے لیئے لوگوں کے دروازوں پر جاکر ووٹروں کی ہمدردیاں حاصل کرنے کی کوششیں تیز کردی ہیں، پاکستان پیپلز پارٹی کے ناراض رکن قومی اسمبلی سید ظفر علی شاہ کے بھتیجے آزاد امیدوار سید زوہیب علی شاہ کی انتخابی مہم کے حوالے سے ورک کے لیئے سابقہ وفاقی وزیر خیر محمد جونیجو ، سابقہ ایم پی اے ڈاکٹر حاجی احمد علی شاہ بھی ان کی حمایت میں میدان میں اُتر آئے ۔

ایک مقام پر انتخابی مہم کے سلسلے میں منعقد کارنر میٹنگ میں خطاب کرتے ہوئے ایم این اے سید ظفر علی شاہ نے کہا کہ سندھ کے لوگوں نے روڈ ،رستوں اور میدانوں میںبطور احتجاج مزاحمت کرکے سندھ میں بلدیاتی نظام کے حامیوں کو عملی طور پر شکست دے دی ہے، ظفر علی شاہ نے مزید کہا کہ پاکستان کھپے کے نعرے کی آڑ میں پورے سندھ کوبیچ دیا ہے اور سندھی عوام کے ووٹوں پر منتخب ہونے والے پارلیمنٹ کے میمبرز اس مشکل اور نازک وقت میںاسمبلیوں میں بیٹھ کر سندھ دشمن منصوبوں کے خلاف آواز اُٹھانے کو تیار نہیںلیکن تاریخ اور سندھ کی عوام انہیں کبھی بھی معاف نہیں کرے گی،

سابقہ رکن صوبائی اسمبلی ڈاکٹر احمد علی شاہ نے کہا کہ ایوانوں میں سچ بولنے والے میمران کی عزت نہیں کی جاتی اور اگر عوام کے منتخب نمائندے کی کوئی عزت نہیں ہوگی تو عام ووٹروں کی کیسے عزت ہوگی، انہوں نے کہا کہ اگر ہم نے اب بھی اپنے لیئے کچھ نہ کیا تو آئیندہ وزیر اعلیٰ بھی متحدہ قومی موومنٹ کا ہوسکتا ہے، اس موقع پر آزاد امیدوار سید زوہیب علی شاہ نے بھی خطاب کیا۔

جبکہ دوسری جانب پاکستان پیپلز پارٹی کے حلقہ پی ایس 21کے لیئے نامزد امیدوار سرفراز شاہ کی حمایت میں پارٹی سے وابستہ لوگ بھی میدان میں آگئے، پی پی کے سنیٹر شیخ اسلام الدین، سردار االطاف انڑ، ایم این اے فریال ٹالپر کے کوآرڈنیٹر ضیاالحسن لنجار ، ابرار ندیم ملاح اور دیگر نے یونین کاو ¿نسل ہالانی، کوٹری کبیر کے دو ¿رے اور کارنر میٹنگز میں خطاب کیئے، سنیٹر شیخ اسلام دین نے محراب پور اور بہلانی میں ملک برادری معزز افراد سے ملاقات کی اور انہیں پی پی کے نامزد امیدوار سرفراز شاہ کی حمایت کی اپیل کی، اس موقع پر سنیٹر شیخ اسلام دین نے محراب پور کے لیے پاکستان ایکسپریس ٹرین کا اسٹاپ دینے کا بھی وعدہ کیا، کارنر میٹنگ میں خطاب کرتے ہوئے سنیٹر اسلام دین شیخ، ضیاءالحسن لنجار، سرفراز شاہ اور دیگر نے کہا کہ پاکستان پیپلز پارٹی نے ہمیشہ غریب مسکین عوام کے حقوق کے لیئے ڈکیٹروں سے ہمیشہ مقابلہ کیا ہے،

نیشنل پیپلز پارٹی کے امیدوار سید ابرار علی شاہ کی حمایت میں سابقہ ضلعی ناظم عاقب خان جتوئی، حاجی نثار میمن اور دیگر نے محراب پور سمیت حلقہ کے مختلف دیہاتوں کے دو ¿رہے کیئے، اس موقع پر سابقہ ضلعی ناظم عاقب خان جتوئی اور سید ابرار علی شاہ نے کہا کہ حکومت انتخابات کی تاریخ میں توسیع کرکے انتخابات میں شکست سے خوفزدہ ہے، انہوں نے کہا کہ یہ ہماری فتح اور پی پی کے امیدواروں کی شکست ہے اور ہم تاریخ میں توسیع کے فیصلے کے خلاف سپریم کورٹ میں جائیں گے۔